O salón estará aberto toda a fin de semana en Expourense
Preto de 400 vehículos cun desconto medio de 4.000 euros, atractivos do II Car Outlet Ourense
O II Car Outlet Ourense, organizado por Expourense e ACAUTO, abriu as súas portas este venres ofrecendo ao público unha oferta de preto de medio milleiro de vehículos de ocasión.
![Vista do recinto feiral de Expourense cos vehículos do II Salón CarOutlet en exposición.](/asset/thumbnail,992,558,center,center/media/economiaengalicia/images/2019/05/10/2019051017582131404.jpg)
462 coches cun desconto medio de 4.000 euros, ata 10 anos de garantía nalgúns casos, seguro a todo risco de regalo o primeiro ano e condición vantaxosas á hora de financiar a compra son os principais atractivos que ofrece o II Car Outlet Ourense.
Un total de 16 concesionarios oficiais que representan a 22 marcas ofrecen ata este domingo as mellores oportunidades do mercado do vehículos de ocasión e segunda man con todas as garantías. Os vehículos expostos no recinto feiral cobren todas as gamas e modelos para adaptarse ás necesidades e preferencias dos clientes con prezos comprendidos entre os 4.800 euros que custa, por exemplo, un Suzuki Alto, e os 49.900 que marcan vehículos como un Audi Q5 ou un BMW 580D. Sen referirse aos extremos, o “vehículo tipo” que pode atoparse nesta cita é o do mercado de ocasión en España, é dicir, un coche que ronda os 13.000 euros, con 15.000 kilómetros de media, e que conta cun ano ou ata poucos meses de antigüidade, segundo datos da patronal Facounauto.
Os distintos xerentes de concesionarios asociados a ACAUTO que indicaron que este fin de semana será o mellor momento do ano para mercar un coche xa que “veñen a por todas ofrecendo condicións moi especiais difíciles de atopar noutro contexto”. Ademais de bos prezos con todas as garantías, algún expositores incentivan o proceso de decisión de compra regalando viaxes para dúas persoas ou sorteando teléfonos de última xeración. A oferta presentada é tan atractiva que este mediodía xa resultaba doado atopar coches co cartaz de “vendido”.
Ampla oferta
A oferta presentada neste salón é moi ampla puidendo atoparse kilómetro cero, seminovos, de xerencia e segunda man, de entre 1 e 6 anos. Esta cita reflicte o bo momento que está a vivir o mercado de ocasión en Galicia xa que os datos indican que a segunda man é xa a primeira opción de compra e que durante o primeiro trimestre do 2019 por cada coche novo vendéronse na nosa comunidade case tres de ocasión, incluíndo tamén as compras entre particulares. Isto provoca que haxa cada vez maior demanda e menor oferta, polo que acudir a este salón se converte nunha boa oportunidade para os que anden a busca dun vehículo deste tipo.
O II Car Outlet presenta unha oferta moi ampla na que poden atoparse numerosos vehículos que representan os catro eixos do mercado de ocasión: os kilómetro cero (novos que se venden así por obxectivos comerciais que indica o fabricante); vehículos de servizo (demostración ou cortesía) con antigüidade de ata 1 ano e con 15.000 kilómetros de media; seminovos (ata 5 anos de froito de renting empresarial ou operacións financeiras con garantía de recompra); e o de ocasión (que foi empregado por un particular e entregado no concesionario a cambio doutro).
O horario de apertura do salón será obado de 10 a 20:30 horas e o domingo 11 a 20 horas.