A xornada, que se emitirá pola plataforma Zoom ás 16 horas, será presentada polo presidente da Asociación Área Empresarial do Tambre, José Fernández Alborés.

A finalidade do webinar é facilitarlle información e ferramentas ás empresas para cumplir coa lexislación vixente en materia de igualdade. Os relatores serán a directora xeral de Relacións Laborais da Consellería de Emprego e Igualdade da Xunta de Galicia, Elena Mancha, e o responsable do departamento de Consultoría de Quality Consultores, Gonzalo Abelenda, axente de igualdade, técnico na implantación de plans de igualdade e auditor salarial, tempo de traballo e igualdade na empresa.

A xornada dará resposta a unha serie de interrogantes, como cales son as obrigas das empresas en materia de igualdade, como se elabora o rexistro salarial, que prazos hai para cumprir coas obrigas ou que axudas hai para poder elaborar os plans de igualdade.

Os interesados en participar deben inscribirse e reservar a súa praza a través do teléfono 981 55 28 50 ou no correo electrónico [email protected].