Ata a data, xa se inscribiron máis de 70 empresas galegas e 50 importadores de Alemaña, Austria, Bélxica, Francia, Dinamarca, Irlanda, Italia, Portugal, Países Baixos, Canadá, EE.UU., República Checa, China, Togo, Benín, Ecuador, México, República Dominicana, Nicaragua, Brasil, Filipinas, Bolivia e Turquía.

O evento, que terá lugar en Palexco, na Coruña, contará con representación dos sectores de alimentación e bebidas, contract e saúde. Nel, as empresas, ademais de expoñer os seus produtos, terán a oportunidade de manter reunións B2B con importadores dos países representados. Tamén se inclúen no programa diversas actividades promocionais, formativas e informativas sobre exportación.

Na edición anterior, celebrada en outubro de 2022, participaron máis de 100 empresas galegas exportadoras e máis de 75 importadores e profesionais de 30 países. Esto resultou en máis de 400 contactos comerciais directos, tanto para buscar novas oportunidades de negocio como para o peche de vendas.

A Cámara de Comercio da Coruña conta con varios colaboradores, entre os que destacan as diferentes Cámaras de Comercio españolas no exterior, que desenvolven un papel fundamental na axuda á internacionalización das nosas empresas, e traballa con consultorías especializadas en comercio internacional. Deste modo, e de maneira sinxela, facilítase a organización de misións que permiten ás empresas contactar con potenciais clientes internacionais cunha axenda de traballo preparada especificamente en función dos propios intereses.