Esta iniciativa, financiada pola Consellería de Promoción do Emprego e Igualdade da Xunta de Galicia e o Servizo Público de Emprego Estatal (SEPE), contou coa participación de 100 persoas menores de 30 anos e mulleres desempregadas.

Ao longo destes meses, impartíronse máis de 500 horas de formación, abarcando cursos do catálogo do SEPE, tanto en formato presencial como a través de teleformación, e en itinerarios relacionados con almacenaxe/loxística, comercio/atención ao cliente e limpeza.

A Asociación Área Empresarial do Tambre conseguiu superar o compromiso de contratación, establecido coa Xunta de Galicia nun 45%, alcanzando o 68% de insercións laborais efectivas, mentras que un 79 % dos participantes conseguiron algún contrato laboral.

A Asociación valora o éxito alcanzado neste programa e pono como exemplo do “compromiso e colaboración de todas as persoas involucradas”, desde os participantes, ás técnicas do programa, así como as empresas contratantes e as que posibilitaron a realización de prácticas non laborais.