Imprimir

Publicados os festivos nos que poderán abrir as grandes superficies durante 2019

Redacción Economía en Galicia | 15 de octubre de 2018

Os centros comerciais galegos poderán abrir 10 domingos e festivos durante 2019.
Os centros comerciais galegos poderán abrir 10 domingos e festivos durante 2019.

A Consellería de Economía, Emprego e Industria publica no Diario Oficial de Galicia (DOG), os domingos e festivos nos que os establecementos comerciais que non gozan de liberdade horaria poderán abrir ao longo do vindeiro ano 2019.

Logo da consulta previa ás principais organizacións do sector, ao Consello Galego de Consumidores e Usuarios e ao Consello Galego de Cámaras, os días de apertura, que tal e como marca a normativa son dez cada ano, repártense do seguinte xeito: o 13 de xaneiro, primeiro domingo trala data tradicional de inicio das rebaixas de inverno; o 18 de abril, Xoves Santo; o 30 de xuño, domingo previo á data habitual de comezo das rebaixas de verán; o 12 de outubro, Día da Hispanidade; o 1 de novembro, Todos os Santos; e todos os domingos de decembro, que se corresponden cos días 1, 8, 15, 22 e 29.

Calquera concello que o estime oportuno poderá solicitar ata o próximo 15 de novembro a modificación de ata dúas datas para o seu termo municipal para adaptalo aos festivos locais ou atendendo a calquera outra circunstancia motivada.

Cómpre sinalar que estes domingos e festivos non son de aplicación para o pequeno comercio, xa que, con carácter xeral, poden decidir libremente o seu horario e días de apertura os establecementos de ata 300 metros cadrados, coa excepción dos que non teñan a consideración de pequena e mediana empresa.

Puede ver este artículo en la siguitente dirección /articulo/empresa/publicados-festivos-nos-poderan-abrir-grandes-superficies-2019/20181015174905008401.html


© 2019 Economía en Galicia

Contacto: [email protected] - [email protected]  

Aviso legal