Imprimir

O III Concurso Innovatia 8.3 distinguirá proxectos empresariais innovadores liderados por mulleres

Redacción Economía en Galicia | 16 de junio de 2020

III Concurso Innovatia 8.3.
III Concurso Innovatia 8.3.
A Universidade de Santiago de Compostela (USC) e o Instituto de la Mujer y para la Igualdad de Oportunidades veñen de convocar o III Concurso Innovatia 8.3 dirixido a distinguir a empresas sobre proxectos innovadores liderados por mulleres e creados co apoio das universidades.

Poderán participar en III Concurso Innovatia 8.3 aquelas mulleres que creasen empresas con presenza feminina maioritaria no seu consello de dirección ou consello de administración e que fosen creadas co apoio dalgunha das universidades españolas ou dos Organismos Públicos de Emprego (OPIs). O concurso tamén ten por obxecto promover a igualdade de oportunidades entre persoas de ambos os dous xéneros no ámbito universitario e tecnolóxico.

As empresas candidatas optarán a dous galardóns. Por unha banda, o premio ao proxecto empresarial de base tecnolóxica dotado con 10.000 euros; e pola outra, o premio a proxecto empresarial startup dotado con 7.000 euros. En ambos os dous casos, a antigüidade do proxecto empresarial non pode superar os cinco anos. Cada proxecto empresarial participante poderá recibir como máximo un premio.

Criterios de valoración

O comité avaliador terá en conta a viabilidade económica e financeira do proxecto; o grao de innovación do produto, proceso ou servizo; o volume de emprego creado ou proxectado; o carácter multidisciplinar do equipo promotor formado por mulleres e homes; así como ter en consideración políticas de igualdade, na actividade da empresa.

O prazo de presentación de candidaturas manterase aberto ata o 8 de setembro. As solicitudes poden presentarse a través dun formulario en liña na web do proxecto Innovatia 8.3.

Puede ver este artículo en la siguitente dirección /articulo/emprendedores/iii-concurso-innovatia-83-distinguira-proxectos-empresariais-innovadores-liderados-mulleres/20200616184747014397.html


© 2020 Economía en Galicia

Contacto: [email protected] - [email protected]  

Aviso legal