CON VISITAS AO SEU VIVEIRO DE EMPRESAS

Máis de 130 estudantes asisten esta semana ás xornadas de fomento do espírito emprendedor cooperativo da Cámara de Santiago

A Cámara de Comercio de Santiago inicia esta semana o programa de xornadas de fomento do espírito emprededor, cofinanciadas pola Xunta de Galicia no marco da Rede Eusumo.

Máis de 130 estudantes asisten esta semana ás xornadas de fomento do espírito emprendedor cooperativo da Cámara de Santiago

O obxecto das charlas é contribuír ao desenvolvemento das calidades persoais relacionados co emprendedor desde idades temperás; fomentar as iniciativas emprendedoras desde o ámbito educativo; e informar, sensibilizar e transmitir a opción do autoemprego como una alternativa laboral digna e viable. Ademais, as xornadas están destinadas a transmitir valores empresariais e cooperativos vinculados á economía social, e dar a coñecer as cooperativas e sociedades laborais como formas xurídicas idóneas para a posta en marcha e desenvolvemento de proxectos empresariais. O persoal técnico da Cámara de Comercio impartirá as charlas divulgativas nos centros escolares e dirixirá as visitas ao viveiro de empresas cameral, situado no Polígono de Costa Vella.

Nesta semana pasarán polo viveiro de empresas da Cámara compostelá alumnado de Bacharelato, ESO e FP dos institutos de Melide, Brión e Negreira; ademais, un técnico cameral desprazarase ata o IES de Melide para dar unha charla divulgativa sobre autoemprego e cooperatismo. En total participarán nestas actividades máis de 130 estudantes.

Comentarios
Máis de 130 estudantes asisten esta semana ás xornadas de fomento do espírito emprendedor cooperativo da Cámara de Santiago