Rexistrou 34.000 tickets, dos 120.000 de toda Galicia

Lugo, a provincia máis activa na campaña "Días azuis do comercio galego"

O director xeral de Comercio e Consumo, Manuel Heredia, participou en Lugo no sorteo de premios da campaña "Días azuis do comercio galego", que nesta edición se celebrou entre o 1 e o 20 de novembro co obxectivo de dinamizar as vendas no comercio de proximidade.

Lugo, a provincia máis activa na campaña "Días azuis do comercio galego"
Representantes da Xunta, Federación Galega de Comercio e Abanca, no sorteo da campaña "Días azuis do comercio galego".
Representantes da Xunta, Federación Galega de Comercio e Abanca, no sorteo da campaña "Días azuis do comercio galego".

Na iniciativa, impulsada pola Federación Galega de Comercio coa colaboración da Xunta de Galicia, rexistráronse máis de 120.000 tíckets pertencentes a compras en máis de 150 localidades galegas, cos cales os clientes participaron no sorteo de 12.000 euros repartidos en 64 tarxetas prepago de 250 e de 150 euros. Lugo foi a provincia con maior participación nesta campaña, rexistrando preto de 34.000 tickets.

Este tipo de campañas de dinamización súmanse a programas como o Bono Activa Comercio, ao que a Xunta destina 5 millóns de euros co obxectivo de impulsar as compras no comercio de proximidade, atraendo clientela aos establecementos locais e contribuíndo ao mesmo tempo a aliviar o impacto da inflación na capacidade de gasto dos fogares galegos. Máis de 166.000 consumidores de toda Galicia descargaron todos os descontos de 30 euros dispoñibles a través desta iniciativa, e teñen agora ata o 31 de decembro para realizar as súas compras.  

Comentarios
Lugo, a provincia máis activa na campaña "Días azuis do comercio galego"