Do 13 ao 26 de maio

A campaña "Días azuis do comercio galego" repartirá máis de 16.000 euros en premios

Este mércores presentouse en Santiago de Compostela a segunda edición da campaña "Días azuis do comercio galego", organizada pola Federación Galega de Comercio, Abanca e a Xunta, e que se celebrará do 13 ao 26 de maio co obxectivo de dinamizar o comercio de proximidade.

A campaña "Días azuis do comercio galego" repartirá máis de 16.000 euros en premios
Presentación da campaña "Días azuis do comercio galego".
Presentación da campaña "Días azuis do comercio galego".

Na presentación de "Días azuis do comercio galego" participou a directora xeral de Comercio e Consumo, Sol Vázquez, quen destacou que durante estas dúas semanas o obxectivo da campaña é visibilizar os establecementos que están a pé de rúa e dinamizar o comercio de proximidade, “tan importante para a nosa economía”. Neste sentido, animou aos galegos e galegas a comprar, gozar e apoiar a actividade deste tipo de locais ao longo de todo o ano.

Os clientes dos comercios que realicen as súas compras entre estas dúas datas deberán rexistrar o seu tícket en www.diasazuis.com, ou ben solicitar que a rexistre o propio comerciante. Entre todos os participantes sortearanse un total de 16.200 euros en 80 tarxetas prepago: 28 de 300 euros e 52 de 150 euros, que deberán ser utilizadas polos gañadores nos establecementos tradicionais galegos. O sorteo, ante notario, realizarase o vindeiro 29 de maio.

A iniciativa enmárcase no Plan estratéxico de impulso ao comercio de Galicia que a Xunta está a desenvolver para reforzar este sector e que contempla un total de 55 accións específicas ata 2020.

A campaña "Días azuis do comercio galego" repartirá máis de 16.000 euros en premios