Precisa unha habilitación legal para reservar unha partida orzamentaria

A Deputación da Coruña comprométese a actualizar os prezos das obras en execución

O presidente da Deputación da Coruña, Valentín González Formoso, o vicepresidente Xosé Regueira e o deputado de Contratación, Xosé Lois Penas, mantiveron unha reunión coa directiva da Asociación Provincial de Empresarios da Construción da Coruña (APECCO), presidida por Diego Vázquez Reino, para avaliar a situación que atravesa o sector debido ao incremento do prezo dos materiais e combustibles.

A Deputación da Coruña comprométese a actualizar os prezos das obras en execución
Responsables de APECCO mantiveron un encontro co presidente da Deputación da Coruña, Valentín Formoso.
Responsables de APECCO mantiveron un encontro co presidente da Deputación da Coruña, Valentín Formoso.

O presidente de APECCO trasladou aos representantes da Deputación da Coruña un informe que analiza a situación que atravesan as máis de 3.500 empresas e autónomos que integran o sector da construción na provincia, debido ao incremento do prezo dos materiais.

Diego Vázquez Reino explicou que o sector está atravesando “unha situación moi complexa que vimos arrastrando desde 2008”, pero que se agravou especialmente coa pandemia e as consecuencias da guerra de Ucrania “que fixeron que tivéramos un incremento do custo das obras do 22,7% en 2021, que siguen incrementándose en 2022”.

O presidente da Deputación coruñesa, Valentín González Formoso, interesouse polos detalles do informe e destacou a “importancia estratéxica” dun sector que mantén arredor de 40.000 empregos e sinalou que “como administración pública, a nosa obriga é pór enriba da mesa propostas que permitan solucionar esta situación”.

Neste sentido, anunciou o compromiso do Goberno provincial de habilitar este ano unha partida orzamentaria para que tanto Deputación e como concellos podan actualizar os prezos dos contratos en licitación e execución, compensando a alza de prezos daqueles proxectos que acrediten as perdas debido a situación de carestía das materias primas e combustibles”. Para iso, explicou, é necesario que Xunta de Galicia faga a habilitación legal correspodente en aplicación do decreto de 30 de marzo de 2022.

O deputado de Contratación, Xosé Lois Penas, afirmou que esta reunión é unha mostra mais da alta preocupación que temos pola situación actual, onde se mesturan os xa existentes problemas de contratación laborais cun incremento desmesurado das materias primas, unha crise enerxética e a recente folga de transportes. Todo iso aboca o sector a unha situación precaria que poder rematar, como xa está a acontecer, en licitacións desertas, ofertas a perdas ou riscos de ertes en empresas.

Informe sobre a situación do sector da construcción

O informe de APECCO avalía o impacto económico que os incrementos de prezos e o desabastecemento de determinadas materias está a ocasionar no sector da construcción. Nel acredítase que o 75% das empresas experimentou retrasos nas entregas de materiais, especialmente no caso da madeira, o aluminio e o PVC, aínda que tamén noutros como ferro, formigón, vidro, cemento.

En relación ao incremento de prezos, desde APECCO explican que o 95% das empresas do sector notaron un incremento inusual do prezo dos materiais nos últimos tres meses , que supón un incremento medio do custo total das obras dun 22,2%. Entre os materiais que máis incrementaron os seus prezos no último trimestre detacan a madeira (125%), o betún (125%) aceiro (55%), o ferro (51 %) ou o aluminio (40%).

Esta situación deriva en que o 60,5% das empresas vironse na obriga de paralizar ou cancelar obras e atender ás penalizacións económicas coprrespondentes.

Comentarios
A Deputación da Coruña comprométese a actualizar os prezos das obras en execución