A asociación está integrada por 52 entidades

O Clúster Galego de Solucións Ambientais avanza no deseño do seu Plan Estratéxico 2021-2024

O Clúster Galego de Solucións Ambientais e Economía Circular, VIRATEC, celebrou este venres a súa Asemblea Xeral Ordinaria, na que se deron cita os 52 socios integrantes do organismo.

O Clúster Galego de Solucións Ambientais avanza no deseño do seu Plan Estratéxico 2021-2024
Juan Lema, Josefa de León, Helena Penas, Marcos Martín, membros da Xunta Directiva de VIRATEC.
Juan Lema, Josefa de León, Helena Penas, Marcos Martín, membros da Xunta Directiva de VIRATEC.

A asamblea do Clúster Galego de Solucións Ambientais e Economía Circular, VIRATEC, serviu para dar a coñecer os avances realizados no desenvolvemento do Plan Estratéxico 2021-2024 do Clúster. Para a posta en marcha desta folla de ruta, VIRATEC está en contacto cos Clústers galegos da Función Loxística, da Madeira, da Alimentación e co Clúster Tecnolóxico Empresarial das Ciencias da Vida.

A Asamblea Xeral de VIRATEC contou coa presenza do vicepresidente segundo e conselleiro de Economía, Empresa e Innovación, Francisco Conde. "Na economía circular é moi importante a unión de esforzos, por iso, este Clúster vai axudar a dar resposta aos retos vinculados á competitividade do tecido empresarial adicado ao desenvolvemento de solucións ambientais”, afirmou o conselleiro. Conde apuntou tamén que “ademais da colaboración entre as empresas do Clúster debe haber unha interlocución entre o sector e a Administración, polo tanto, neste proceso, todos somos necesarios”.

Por outra parte, o vicepresidente económico da Xunta animou ás empresas de VIRATEC a “impulsar iniciativas en proxectos vinculados á xestión de residuos, para dar unha resposta á reactivación económica e identificar oportunidades vinculadas aos fondos europeos”. Neste sentido, o presidente de VIRATEC, Marcos Martín, apuntou que “traballaremos para propoñer proxectos e solucións que permitan lograr o desenvolvemento sostible e unha transición ecolóxica xusta para Galicia”.

A asamblea xeral serviu para darlle luz verde ao regulamento de réxime interno de VIRATEC, avanzar no Plan Operacional 2021-2022 e ratificar aos novos socios do Clúster.

Datos do clúster

VIRATEC está integrado por 52 entidades, cuxa facturación alcanza os 2.000 millóns de euros. O Clúster Galego de Solucións Ambientais e Economía Circular naceu para incrementar a capacidade tecnolóxica, innovadora e a competitividade das empresas galegas que ofrecen solucións ambientais. VIRATEC traballa para fomentar a internacionalización do tecido emrpesarial e contribuir ao desenvolvemento sostible de Galicia.

Dende a súa constitución, VIRATEC puxo en marcha unha oficina de captación de financiamento para proxectos nacionais e internacionais. O obxectivo é permitr ás empresas do sector a transferencia e a internacionalización das súas tecnoloxías.

O Clúster Galego de Solucións Ambientais avanza no deseño do seu Plan Estratéxico 2021-2024